Անտիոքոս I Երվանդունի, Թեոս Դիկաիոս Էպիֆանես Ֆիլորոմաիոս Ֆիլհելենոս(Անտիոքոս I, աստված, արդար, փառավոր, հռոմեացիների և հույների ընկեր) (մ.թ.ա. 70-34թթ․),
Կոմմագենեի արքա,
Բրոնզ, 24 մմ, 8.48 գ․,
Սամոսատի դրամահատարան, մոտ մ.թ.ա. 56-36թթ․,

Դիմերես։ Դիմերեսին Անտիոքոս I Երվանդունու կիսանդրին է՝ դեպի աջ։ Կրում է արտաշեսյան թագ, այն վերևում ավարտված է հինգ սրածայր ելուստներով, իսկ ներքևից՝ երկար, մինչև ուսերը հասնող ականջակալներով ու վզկալով՝ բոլորը զարդարված մարգարտաշարով, ճակատային մասում՝ թագի վրայից, կապված է արքայական ժապավենը, որի ծայրերը ծածանվում են մեջքի ետևում, և թագի կենտրոնը զարդարված է արևի պաշտամունքի խորհրդանիշներով՝ աստղ՝ երկու արծիվների միջև։ Դիտվում են նաև արքայական ծիրանու ծալքերը՝ ճարմանդված աջ ուսի մոտ։ Արքայի դիմապատկերը երիզված է ուլունքաձև շրջանակով։
 Դարձերես։ Դարձերեսին դեպի աջ քայլող առյուծ է և հունատառ գրություն՝ [BAΣIΛEΩΣ] ANTIOXOY (Արքա Անտիոքոս)։
Նշումներ։ Չմաքրված։